Transcription
1
Monseigneur, jattendois le succès que prendroient les propos
2
que ma cy devant tenu ma damoiselle d’Abbeau affin de
3
le vous escrire quant elle ma dict y a deux jours quelle
4
navoit point encoures nouvelles de ma dame la comtesse
5
de Grignan et en attendoit par homme exprès qui devoit
6
venir prendre une coppe dor quelles luy a faict faire.
7
Comme ien scauray quelque chose, ie vous en advertiray.
8
Jay apprins quelle est en querelle avec monsieur de Chevrières
9
le jeune, quelle pretent luy avoir promis mariage et avoir,
10
au preiudice de ladite promesse, contracté avec la fille du seigneur
11
de St Jeran ; toutesfois, elle ne men a riens dict, mais il
12
est fort public en cestte ville. Jay receu lettres de monsieur
13
de Vennes [Evènes] du dixième et me mande avoir lexpedition de lestat
14
de conseigler au parlement de Daulphiné pour monsieur Vincent,
15
et en cela vous, monseigneur, et luy nous avés preferé et
16
grandement obligés. Je massure que vous aurés faict digne
17
election en ce bon personage qui est dhonneur, scavoir et
18
grande integrité et qui desire demeurer et estre retenu au
19
nombre de voz humbles et plus affectionnés serviteurs. Mondit
20
sieur de Vennes me mande sestre ouvert à monsieur de
21
Senessay et avoir eu fort bonne parolle de luy. Tout ce
22
que jay de nouveau est que à la parfin, on a declaré à monsieur
23
notre gouverneur que sa garde seroit cassée, nonobstant que
24
la royne luy eust escript du contraire, dont il est entré
25
en grand mescontantement et non sans cause, attendu les
26
menasses quon luy faict et semble que malaisement il sen
27
puisse resouldre et encoures est en quelque opinion que
28
ce soit ung commencement pour luy lever sa charge
29
et est en doubte que monsieur de Maugiron ne luy porte
30
pas toute la bienveuillance en ce endroict qui seroit requise,
31
[280 v°] sestant mondit seigneur de Mandelot aulcunement ouvert pour
32
raison dudit mescontantement, on luy a faict toutes les honestes
33
offres quil nous a esté possible, tant pour le deveoir que
34
nous avons tous à luy, que pour le dangier que nous
35
cognoissons estre en telz changemens. Le sieur baron de
36
St Priest est deceddé a avantage de sa vefve quest de
37
la maison de Chevrières et de laquelle il na delaissé enf[ant ?]
38
Monseigneur, vous presentant mes humbles recommandations, ie supplie
39
le Createur vous donner en sainté heureuse vie. De
40
Lyon, le XIXe fevrier.
41
Comme ie fermois la presente, jay receu voz lettres du XVIIIe et celles quescrivés
42
à monsieur d’Haultefort, que ie luy feray tenir dès ce jourdhuy.
43
Votre très humble et oubeissant
44
serviteur delanges.